Actividades e
Material Didáctico

Acto Inaugural

Ciclo de Cinefórum

Como influíu a teoría da evolución na ciencia, na sociedade e na nosa maneira de comprender a natureza humana? Este ciclo propón achegarse a algunhas das grandes cuestións relacionadas coa evolución a través do cinema. Catro películas de épocas e xéneros diferentes servirán como punto de partida para reflexionar sobre a evolución humana, o conflito entre ciencia e relixión, a recepción social das ideas de Darwin e as implicacións éticas dos avances da xenética.

Cada sesión incluirá a proxección da película e un coloquio posterior moderado por especialistas en xenética e evolución da Universidade de Santiago de Compostela.

Ciclo de Conferencias Divulgativas

Un ciclo de cinco conferencias divulgativas no que especialistas de recoñecida traxectoria achegarán diferentes perspectivas sobre a evolución, a selección natural, a biodiversidade e a historia do pensamento evolutivo. O público poderá afondar na figura e no legado científico de Alfred Russel Wallace, na súa relación con Charles Darwin e nalgúns dos grandes temas que contribuíron á nosa comprensión da evolución.

Simposio Internacional sobre Xenómica, Epixenómica e Evolución

Este simposio científico está dirixido principalmente a comunidade universitaria e investigadora — incluíndo estudantes de grao, máster e doutoramento, persoal académico e investigadores — así como calquera persoa interesada na xenómica e na epixenómica.

O simposio «Do Naturalismo aos Xenomas: O Rexistro da Evolución» reunirá no Campus Terra seis especialistas de renome internacional para explorar a evolución á luz dos últimos avances en xenómica e epixenómica, abordando temas como a orixe de novas especies, a regulación xenómica, a adaptación en poboacións con baixa diversidade xenética e a posible transmisión de marcas epixenéticas entre xeracións.